食晏@拉拉麵

拉拉麵嘅前身係阿姨水餃,

好生意到不得了,

幾時去到都要等位,

後來裝修加多層,

改咗名做拉拉麵,

可能而家有樓上,

又可能成條 Kingsway 都係亜洲食肆,

已經唔覺得有咁多客啦！

我去拉拉麵必食窩貼和正宗蘭洲牛肉拉麵．

碟頭飯

喺 Tasman 買咗１包４隻大雞髀,

用萬用醃粉醃咗嚟焗,

再配埋翠玉瓜炒珍珠菇,

咁就係我地呢晚嘅碟頭飯！

慶生@ Isshin Japanese House

大少爺正日生日要同新抱仔撑枱腳,

咁我地要另擇日子一同食餐慶生飯！

揀咗去食放题,

A$37.95/ head ,

我覺得唔錯呀,

啲食物好味,

又出得快！

食晏@舊街

噚日我地去舊街食晏,

撞啱有舞獅,

仲有燒炮杖添,

好有過年氣氛！

五香牛肉粒

一展三食之第三食就係,

五香牛肉粒嘞！

一展三食

買咗一大舊牛展,

要嚟點食好呢？

為咗發揮慳家本色,

一於一展３食,

第一食：番茄紅蘿蔔洋蔥牛展湯

第二食：將煲過湯嘅牛展红蘿蔔煮咖喱

第三食你地估下我會煮乜野呢？

燻蹄製作過程

材料：

豬手二隻

3 湯匙鹽

薑２片

蔥1 條

八角２粒

花椒１茶匙

紹酒２湯匙

做法：

先將豬手洗淨, 然後出水。

將豬手放入煲內, 放入蓋面水, 加入三湯匙滿鹽, 羌二片, 蔥一條, 八角二粒, 花椒一茶匙, 紹酒二湯匙, 待煮滾後改用小火煮半小時, 熄火, 不要開蓋, 浸約8小時或過夜。

將豬手反面, 開火再煮至滾, 改用細火煮約15分鐘, 熄火, 蓋好待凍。

將豬手取出, 起骨, 然後用保鮮紙盡量扎實,(我用左三張保鮮紙, 每次在唔同方向包實, 令到隻豬手可以還型), 然後放入雪櫃侍凍。

將豬手從雪櫃取出, 解去保鮮紙, 切片上碟, 食時點以蒜蓉醋。

蒜蓉醋的做法:    二茶匙蒜蓉
                             少許紅辣椒切碎
                             鹽少許
                             糖一茶匙
                             米醋四湯匙或外國醋一湯匙加水三湯匙

蒜蓉醋的做法:    二茶匙蒜蓉
                             少許紅辣椒切碎
                             鹽少許
                             糖一茶匙
                             米醋四湯匙或外國醋一湯匙加水三湯匙

将豬手起骨

用刀將肉多嘅部份切一小舊肉, 將切出嚟嘅肉補在豬手無肉嘅下半部

預備三至四張保鮮紙將豬手扎實,

呢個階段,

隻豬手係好滑揗揗架,

以防用嚟補位嘅肉塊唧出嚟,

要用手指幫助固定位置,

再用力包上第二層保鮮紙

用保鮮紙在唔啲方向將保鮮紙扎實

煎蘿蔔糕

二少爺想食蘿蔔糕,

佢話要好似煎年糕咁樣點蛋汁嚟煎,

我未聽過咁嘅煎法喎,

不過二少爺想食,

又即本順下佢意啦！

團年飯

年三十晚,

易家齊人開開心心食團年飯,

由我一手一脚煮咗六個餸 ：

易家拿手燻蹄

遠近馳名脆皮燒腩

红運南乳燒雞

哈哈大笑茄汁蝦

瑤柱扒翠玉瓜

好市發財冬菇炆螺片

羊年吉祥

祝大家羊年行大運,

身體健康,

龍馬精神,

心想事成,

步步高陞,

恭喜發財！

二少爺新玩具

二少爺部新車终於喺今日大年三十晚出到啦！

唔洗講,

大老爺見到又眼甘甘,

心郁郁啦！

燒汁焗雞腿

今日天陰陰無咁熱,

一於開工抹廚房,

爐頭, done！

抽油煙機, done！

焗爐, 仲未停工, 遲啲先清理！

摩洛哥燒雞

有一輪好鍾意煮 tagine,

自己溝咗樽摩洛哥調味粉,

噚日執厨櫃又發掘咗佢出嚟,

用佢嚟醃雞,

好味！

蘿蔔糕

蒸糕第二擊,

蘿蔔糕

 材料：
蘿蔔 2.8 kg
粘米粉 600g
東菇四隻浸軟切細粒
蝦米3/4碗浸軟切粒
臘腸四條切粒
水約 3 杯 (浸東菇水＋蝦米水), 視乎煮蘿蔔時出水多少

調味：
鹽  3  茶匙
糖 1 茶匙
胡椒粉

做法：
蘿蔔刨幼條
用 2 杯至  2 杯半 水將粉開勻

燒熱鑊, 下油三湯匙, 爆香東菇, 蝦米, 臘腸粒,

 將蘿蔔絲加入兜炒

加入 1/2 杯水

煮至蘿蔔絲軟身, 加入調味料炒勻,

熄火, 將粉漿再攪勻, 

然後分數次加入蘿蔔料中, 兜勻, 

將粉漿放入已塗油糕盆中,

大火蒸大约 45 分鐘即可。

蒜香雞腿

攞咗包 2kg 雞腿出嚟解凍,

一次過焗哂佢,

有人返嚟食飯就不用臨時加餸,

冇人返嚟食,

咁就一餐煮埋兩餐,

明晚就偷懶唔使煮！

年糕

又到蒸糕時間,

今年第一蒸,

年糕

滑蛋粟米蝦仁

又要臨時加餸,

一接到"呵打"即刻去冷宮報到,

摷到包蝦仁,

一於整一家大细都鍾意食嘅滑蛋蝦仁

泰式豬面肉

上星期去買餸,

見到有一盆豬面肉,

即刻入咗２kg,

分包打入冷宮！

因為有香茅, 芫荽在手,

一於又整泰式豬面肉

蒜香南乳燒雞

打開樽南乳, 

發覺得番一塊,

不過啲南乳汁好杰,

決定留番塊南乳過年煮齋用,

淨係用啲南乳汁醃雞都好有味和上色！

綠咖喱雞

趁平入咗幾隻雞,

隻隻都過 2kg,

咁大隻１餐食唔哂,

所以１雞２吃,

斬咗半隻雞煮綠咖喱,

仲有半邊雞明晚焗嚟食！

星期六雜記

Well!

後生仔都係鍾意玩跑車架啦,

二少爺和美少女呢日去試架掃把佬,

跟手簽埋合約用 Novated Lease 出部新車,

下個星期有車攞！

咁高興就去飲茶慶祝下！

蠔油炆牛肋骨

耳仔唔妥攪到頭暈暈,

都唔想煮啲咁複雜嘅餸,

煮咗個超級簡單又味道一級嘅炆牛肋骨！

冬菇豆腐煲

炆咗冬菇豆腐煲,

加多個菜,

應該夠食架,

大老爺一聽見無肉食就即刻唔高興,

好在雪櫃仲有啲隔夜燒排骨,

即刻拎出嚟叮熱比佢食！

燒排骨

病咗幾日,

頭暈得厲害,

過去幾日要勞煩大老爺放工返嚟仲要洗衫煮飯！

今日精神啲,

要重返廚房！

上星期去 Box Hill 飲茶,

見到燒臘部吊起嘅燒排骨有界花,

我覺得幾好咁我又照跟！

睇雀

呢個 bird hide 少爺們讀小學時已經有架啦,

十幾年嚟都行經無限次,

過門不入,

從未想過入去睇雀,

噚日早上大老爺話去睇雀喎,

其實呢度都無乜雀好睇,

不過無野好做咪同佢行吓囉！